Усик Канело ва Кроуфорд жанги ҳақида тахмин билдирди

Супер оғир вазнда мутлақ жаҳон чемпиони, украиналик Александр Усик Канело ва Теренс Кроуфорд ўртасидаги бўлажак жанг ҳақида гапирди.

«Кроуфорд ҳаракатларда жуда хилма-хил, у икки томонда ҳам ишлай олади. Канело эса кучли зарбачи.

Кроуфорд ақлли боксчи, агар нимадир иш бермаса, позицияни ўзгартиришни билади. У кичик ва икки қўлда ишлай олади — бу унинг фарқи. Менимча, жанг тенг курашда ўтади ва қарор катта эҳтимол 12 раунд якунларига кўра чиқади», — деди Усик.

Манба: The Ring