Теренс Кроуфорд бешта вазн тоифасида жаҳон чемпионига айланди

13 сентябрдан 14 сентябрга ўтар кечаси АҚШнинг Лас-Вегас шаҳрида профессионал бокс кечаси бўлиб ўтди. Турнирнинг асосий воқеаси суперўрта вазн тоифасида мутлақ жаҳон чемпиони унвони учун Сауль Альварес ва Теренс Кроуфорд ўртасидаги жанг бўлди.

Жанг барча 12 раунд давом этди ва ҳакамларнинг бир овоздан қарори билан (116-112; 115-113; 115-113) Кроуфорд ғалаба қозонди. Бу натижа орқали у мутлақ жаҳон чемпионига айланди.

Кроуфорд учун бу ушбу вазн тоифасидаги илк жанг эди ва у тарихий рекорд ўрнатди — замонавий бокс тарихида ҳеч бир эркак боксчи учта дивизионда мутлақ чемпион бўлмаган.

37 ёшли Кроуфорд ҳалигача фаолияти давомида мағлубиятга учрамаган. У ўз фаолиятидаги 42-ғалабасини қайд этди. Альварес эса учинчи мағлубиятини тан олди. Унинг ҳисобида, шунингдек, 63 ғалаба ва икки дуранг мавжуд.

Бу жангга қадар у енгил, биринчи яримўрта, яримўрта ва биринчи ўрта вазн тоифаларида жаҳон чемпиони бўлган. Яримўрта ва биринчи яримўрта вазнда эса Теренс мутлақ жаҳон чемпиони эди.

Манба: stadion.uz