Ливерпуль-2025. Акмал Исроилов мезбон боксчисини мағлуб этиб, жаҳон чемпионлигини қўлга киритди

Англиянинг Ливерпуль шаҳрида мезбонлик қилаётган бокс бўйича жаҳон чемпионатидаги энг ёрқин боксчилардан бири Акмал Исроилов бўлди.

Эркаклар ўртасида 85 кг. вазн тоифасида иштирок этган ҳамюртимиз финалда Англия вакили Тигн Стоттга қарши рингга кўтарилди. Ҳамюртимиз ўзининг кучли ва аниқ зарбалари билан рақибга ҳеч қандай имконият қолдирмади — 5:0 (30:27, 30:27, 30:27, 30:27, 30:27).

Шу тариқа, Ўзбекистон делегацияси ҳисобига олтин медаллар сони 6 тага етди.

Манба: stadion.uz