Ливерпуль-2025. Жаҳонгир Зокиров қозоғистонлик рақибга қарши жангда ғалабани қўлдан чиқарди

Англиянинг Ливерпуль шаҳри мезбонлик қилган бокс бўйича жаҳон чемпионати якунига етди.

Эркаклар ўртасида энг оғир вазн тоифасида (90+ кг) ўзбекистонлик Жаҳонгир Зокиров қозоғистонлик Айбек Оралбайга қарши рингга кўтарилди.

Ҳамюртимиз биринчи ва иккинчи раундларда яхши ҳаракат қилиб, 2та ҳакамнинг овозлари бўйича олдинга ўтиб олди (қолган 3 ҳакам дурангни қайд этаётган эди).

Жаҳонгир сўнгги бўлимда чарчаб қолган бўлса, Оралбай нисбатан фаолроқ жанг қилди. Натижада 3-раундда ҳакамларнинг 4 нафари устунликни Айбекка беришди. Якуний натижа — 2:3 (30:27, 29:28, 28:29, 28:29, 28:29).

Шу тариқа, Қозоғистон делегацияси медаллар ҳисоби бўйича Ўзбекистонни ортда қолдирди:

Қозоғистон — 7-1-2 (жами 10)
Ўзбекистон — 6-2-3 (жами 11)

Манба: stadion.uz