Бугун 4 нафар курашчимиз ЖЧда гиламга чиқади

Хорватия пойтахтида спорт курашлари бўйича жаҳон чемпионати давом этади. Бугун эркин ва аёллар кураши бўйича беллашувлар ўтказилади.

Актенге Кеунимжаева ҳамда Озода Зарипбоева саралаш босқичида иштирок этишади. Кеча ярим финалгача етиб борган Умиджон Жалолов бугун кечки дастурда бронза медали учун гиламга чиқади. Унинг ушбу босқичдаги рақиби кун давомида аниқланади. Лайло Собирова эса учинчи ўрин учун ўтиш босқичида қатнашади. Унинг дастлабки рақиби нейтрал мақомдаги Анастасия Сиделникова бўлади.

Саралаш:
— 50 кг: Актенге Кеунимжаева – Оксана Ливач (Украина)
— 76 кг: Озода Зарипбоева – Анастасия Алпеева (Украина).