Ўзбек бокси қандай қилиб коррупцияни енгди?

Ўзбекистон бокс терма жамоаси катта мураббийи Раҳматжон Рўзиоҳунов мамлакат чемпионатларида ҳакамлик тизими қандай ташкил этилиши ҳамда бу коррупцияни енгишга қандай ёрдам бергани ҳақида гапирди.

“Бизнинг федерация республика чемпионатига барча ҳакамларни хориждан таклиф қилишга қарор қилган. Агар адашмасам, бу тизимни уч-тўрт йилдан бери давом эттиряпмиз. Ҳакамларнинг чипта, меҳмонхона ва меҳнат ҳақларини тўлаб берамиз”, деди Рўзиоҳунов.

“Демак, коррупция деярли йўқ, тўғрими?”, деган саволга Рўзиоҳунов қуйидагича жавоб берди:

“Ҳа, тўғри. Чунки улар ўз иш ҳақларини расмий тарзда олишади. Балки шунинг учун ҳам биз ҳозир боксда етакчимиз. Охирги мусобақада ўнта медалдан олтитасини ютдик”, дея қўшимча қилди Рўзиоҳунов ZBS Podcast дастурида.

Эслатиб ўтамиз, Ливерпулда бўлиб ўтган World Boxing жаҳон чемпионатида Ўзбекистон эркаклар терма жамоаси 6 та медални қўлга киритиб, умумжамоавий ҳисобда биринчи ўринни эгаллади. Қозоғистон боксчилари эса 4 та олтин медал билан иккинчи поғонадан жой олди.

Манба: daryo.uz