Шахмат. Жаҳон кубоги. Синдаров ва Ёқуббоев кейинги босқичга чиқди, Абдусатторов ва Воҳидов бугун тай-брекда иштирок этади

Ҳиндистоннинг Гоа шаҳрида бўлиб ўтаётган шахмат бўйича жаҳон кубоги мусобақасида кеча 2-босқичнинг (1/64 финал) жавоб баҳслари ўтказилди.

Жавоҳир Синдаров биринчи ўйинда ғалаба қозонган эди. У Никита Петров (Черногория)га қарши кечаги баҳсда ҳам устунликка эришди. Аммо ўйин сўнгида дурангга рози бўлишга қарор қилди. Натижада шахматчимиз 3-босқичига йўл олди.

Нодирбек Ёқуббоев эса иккинчи партияда германиялик Никлас Хушенбетни таслим этди. Биринчи ўйинда шахматчилар дуранг ўйнашган эди.

Шамсиддин Воҳидов ва Нодирбек Абдусатторов иккинчи ўйинда ҳам дуранг қайд этишди. Абдусатторов баҳс ўртасида устунликка эришган эди, аммо у ғалаба олиб борувчи йўлни топа олмади. Натижада ҳар икки спортчимиз бугун рапид форматида ўтказиладиган тай-брекларда иштирок этишади.

Нодирбек Абдусатторов — Денис Махнёв (Қозоғистон) — 1:1
Жавоҳир Синдаров — Никита Петров (Черногория) — 1,5:0,5
Нодирбек Ёқуббоев — Никлас Хушенбет (Германия) — 1,5:0,5
Шамсиддин Воҳидов — Максим Чигаев (Испания) — 1:1.

Манба: stadion.uz