Теннис. Якуний WTA турнирининг ғолиби аниқланди

Саудия Арабистони пойтахти Ар-Риёд шаҳрида теннис бўйича мукофот жамғармаси 15 миллион 250 минг долларни ташкил этган йилнинг Якуний WTA турнири ниҳоясига етди.

Мусобақа бош соврини қозоғистонлик теннис маликаси Елена Рибакинага насиб этди. У ҳал қилувчи финал учрашувида дунёнинг биринчи ракеткаси, беларуслик Арина Соболенкони 6/3, 7/6(0) ҳисобида мағлубиятга учратди. Теннисчиларнинг ўзаро учрашувларида ҳамон Арина олдинда бормоқда — 10:7.

Бир юз саккиз дақиқа давом этган финал баҳсида Рибакина 13, Соболенко 5 та эйс зарбасини амалга оширган. Қўшхато ва брейклар Еленада кўпроқ бўлди 2 га 0 ва 1 га 0 кўринишларида.