Нодирбек Ёқуббоев: «Ўзим ҳам мураккаб, қизиқарли позиция бўлишини истаган эдим»
Ёқуббоевнинг айтишича, ўйинда бир неча қизиқарли бурилишлар бўлган ва у айнан мураккаб ўйин бўлишини хоҳлаган:
“Бугунги ўйин жуда мураккаб бўлди. Аслида ўзим ҳам мураккаб, қизиқарли позиция бўлишини истаган эдим ва айнан шундай ўйин бўлди ҳам. Донченко қайсидир пайт такрорий юриш қилиши мумкин эди, аммо у буни қилмади ва ўзини ноқулай позицияга олиб кирди. Шу орқали мен ғалабага эришдим”.
Донченко кеча қийин тай-брек ўтказганининг бугунги ўйинга таъсири ҳақида Нодирбек шундай деди:
“Балки таъсир қилган бўлиши мумкин, лекин тай-бреклардан ташқари ҳам бу турнирнинг ўзи умуман қийин ва асабийлашишга мажбур қиладиган ўйинларга бой бўлмоқда”.
Интервью сўнгида, бутун дунёдан уни кузатиб турган мухлислар учун Нодирбек шундай хабар йўллади:
“Шахмат ихлосмандлари, шахматни севишда давом этинг ва энг кучли ўйинчилар ўйинларини кузатинг. Ишонч билдираётган мухлислар учун бу турнирда ғалаба қозонишга ёки камида номзодлар босқичига чиқишга ҳаракат қиламан”.
Манба: https://t.me/uzchess