Дана Уайт WBC’нинг Кроуфордни чемпионликдан маҳрум қилиш қарорига муносабат билдирди

UFC бош директори Дана Уайт америкалик юлдуз боксчи Теренс Кроуфорднинг комиссия тўловини тўламагани учун WBC камаридан маҳрум этилганига изоҳ берди.

«Кроуфордга ҳеч ким ҳеч нарса дея олмайди. Кроуфорд ўзига ўзи хўжайин ва ўз ишини қилади. Мана, у ўзини қандай ҳис қиляпти. Кўрамиз, яқин бир-икки йил ичида вазият қандай ўзгаради», — деди Уайт матбуот анжуманида.

Теренс Кроуфорд енгил (61,2 кг гача), биринчи ярим ўрта (63,5 кг гача), ярим ўрта (66,7 кг гача), биринчи ўрта (69,9 кг гача) ва иккинчи ўрта (76,2 кг гача) дивизионларда жаҳон чемпиони бўлди.