Ҳамзат Чимаев Шон Стриклендга қарши жангни қайси ҳолатда қабул қилишини айтди

— 84 кг вазн тоифасида UFC чемпионлигини қўлга киритган, мағлубиятга учрамаган 31 ёшли Ҳамзат Чимаев ўрта вазн тоифасида собиқ UFC чемпиони, америкалик Шон Стриклендга қарши жанг қайси ҳолатда ўтказилишини маълум қилди.

«У Дрикус дю Плессига ютқазди. У мен билан жанг қилиш учун битта жангда ғалаба қозониши керак. Лекин унга Шонни беришса, бу кимни қизиқтиради? UFC шоу қилмоқда», — деди Чимаев ESPN’га берган интервьюсида.

Ҳамзат Чимаев Шимолий Америка лигаси тарихида профессионал даражада мағлубиятсиз чемпион бўлишга муваффақ бўлган 16-жангчи бўлди. Чеченистонлик ўз рекордида 15 та ғалабага эришган, шундан 12 таси муддатидан олдин қўлга киритилган.