«Freestyle Chess Grand Slam Final». Жавоҳир Синдаров чорак финалда ғалаба қозонди ва ярим финалда Магнус Карлсен билан тўқнаш келади

Шахматнинг «Freestyle» йўналиши бўйича йилнинг якуний финал мусобақаси Жанубий Африканинг Кейптаун шаҳрида бўлиб ўтмоқда.

Унда иштирок этаётган ўзбекистонлик спортчи Жавоҳир Синдаров кеча ўтказилган саралаш баҳсларида 1-ўринни эгаллагани ҳақида маълумот бериб ўтгандик.

Ҳамюртимиз бугун чорак финал босқичи доирасида эронлик Парҳам Мақсудлуга қарши баҳс олиб борди. Синдаров ҳар иккала партияда рақибини мағлуб этди — 2:0.

Жавоҳир ярим финалда норвегиялик шахматчи Магнус Карлсенга қарши дона суради. Ватандошимиз саралаш босқичида ушбу рақибни мағлуб этган эди. Магнус чорак финалда Фабиано Каруана (АҚШ) устидан ғалабага эришди.

Манба: stadion.uz