Президент парламент ва халққа мурожаатнома билан чиқади

26 декабрь, жума куни соат 11:00 да Шавкат Мирзиёев Олий Мажлис ва Ўзбекистон халқига мурожаатномани тақдим этади. Бу ҳақда президент матбуот хизмати хабар берди.

Жонли эфир «Ўзбекистон 24», «Ўзбекистон» (сурдотаржима билан), «Маҳалла», «Маданият ва маърифат», «Ўзбекистон тарихи», «Менинг юртим», «Севимли», «Миллий», «Зўр ТВ», «Ренессанс ТВ» телеканалларида намойиш этилади.

Мурожаатнома «Тошкент» ва «Дунё бўйлаб» каналларида рус тилида, «Ёшлар» ва «Узрепорт ТВ» телеканалларида эса инглиз тилида таржима билан узатилади.

Жонли эфирни президент матбуот хизматининг Telegram ва Facebook саҳифалари ҳамда YouTube канали орқали ҳам кузатиб бориш мумкин.