Янгиланган ATP рейтингида ўзбекистонлик теннисчиларнинг ўрни қандай?

Профессионал теннисчилар ассоциацияси (ATP) ҳафталик янги рейтингни эълон қилди. Топ — 10 жадвалда битта ўзгариш кузатилди. Канадалик Феликс Оже-Аляссим 150 очко йўқотди ва 7-ўриндан 8-ўринга тушди. Америкалик Тейлор Фриц эса 7-поғонага кўтарилди.

Бундан ташқари, рейтингда пешқадамлик қилаётган испаниялик Карлос Алкарас 2026-йилги “Qatar Open” турниридаги ғалаба сабабли очколари сонини 13 550 тага етказиб олди. Рейтингда иккинчи ўринни эгаллаб турган италиялик Янник Синнер эса 10 400 очко жамғарган ҳолда ўз ўрнини сақлаб турибди.

АТП рейтинги. 23-феврал ҳолатига кўра топ — 10:

Ушбу ҳафтада АТП рейтингига киритилган ўзбекистонлик теннисчиларнинг эгаллаган ўринларида ўзгариш юз берди. Ўзбекистоннинг биринчи рақамли теннисчиси Сергей Фомин 3 поғона пастлади ва 326-ўриндан жой олди. Унинг ҳисобида 151 очко мавжуд.

Ҳумоюн Султонов аввалги ўрнидан 139 та, Максим Шин эса 2 та поғона пастлади.