Бокс. Икки нафар боксчимиз Осиё чемпионати финалига йўл олди

Мўғулистон пойтахтида ўтказилаётган бокс бўйича Осиё чемпионатида ярим финал босқичининг дастлабки кун жанглари якунига етди. Унда Ўзбекистон терма жамоасининг 4 нафар вакили рингга чиқиб, улардан 2 нафари ғалаба қозониб, финал йўлланмасини қўлга киритди. Яна 2 нафар боксчимиз мусобақани бронза медали билан якунлади.

Ярим финал натижалари:

— 70 кг: Ойша Тоирова — Арундхати Чоудхари (Ҳиндистон) 1:4
— 75 кг: Азиза Зокирова — Ловлина Боргохаин (Ҳиндистон) 5:0
+80 кг: Олтиной Сотимбоева — Дина Исламбекова (Қозоғистон) 0:5
— 65 кг: Абдуллоҳ Мадаминов — Шион Нишияма (Япония) 5:0

Бронза медал соҳиблари:

— 70 кг: Ойша Тоирова
+80 кг: Олтиной Сотимбоева

Шу тариқа, Азиза Зокирова ҳамда Абдуллоҳ Мадаминов финалда олтин медаль учун жанг олиб боради.

Бугун 6 нафар боксчимиз финал учун жангларга киришади. Эслатиб ўтамиз, — 80 кг вазндаги вакиламиз Рухшона Парпиева тўғридан-тўғри финал босқичидан юришини бошлайди.

Жуфтликлар билан танишинг:

— 57 кг: Нигина Ўктамова — Жасмин (Ҳиндистон) 09:30
— 75 кг: Жавоҳир Абдураҳимов — Акаш (Ҳиндистон) 10:00
— 85 кг: Жасурбек Йўлдошев — Локеш (Ҳиндистон) 10:45
— 60 кг: Абдураҳмон Маҳмуджонов — Оразбек Ассилкулов (Қозоғистон) 14:30
— 80 кг: Фазлиддин Эркинбоев — Минсеонг Ким (Жанубий Корея) 15:15
— 90 кг: Ҳалимжон Мамасолиев — Тоғамбай Сагиндик (Қозоғистон) 15:45

Баҳслар Тошкент вақти билан биринчи дастур 09:00 да ва иккинчиси 14:00 да старт олади.

Манба: https://t.me/boxinguzbekistan