TEPE Sigeman шахмат турнири. Нодирбек Абдусатторов туркиялик шахматчи билан дуранг ўйнади

Нодирбек Абдусатторов шахмат бўйича нуфузли TEPE Sigeman турнирида муваффақиятли иштирок этмоқда.

У 6-тур доирасида туркиялик Яғис Каан Эрдоғмушга қарши баҳс олиб борди ва дуранг қайд этди. Беллашув 37-юришда якунланди. Шу тариқа, Нодирбек очколари сонини 3,5 тага етказиб олди.

Ўзбекистоннинг биринчи рақамли шахматчиси ушбу дурангдан кейин мусобақа жадвалида 4-ўринга тушиб қолди. Ҳамюртимиз эртага турнирнинг сўнгги тури доирасида нидерлендиялик Йорден ван Форестга қарши оқ доналарда ўйнайди.

Мусобақа формати
8 нафар иштирокчи 7 та тур давомида айланма (роунд-робин) тизимида бир-бирига қарши баҳс олиб боради.

Маълумот учун, ушбу турнирда кетма-кет икки йилдан буён ўзбекистонлик шахматчилар ғалаба қозонган. 2024 йилда Нодирбек Абдусатторов, 2025 йилда эса Жавоҳир Синдоров чемпионликни қўлга киритган.

Манба: daryo.uz