Енгил атлетика. Сайфуллаева ҳамда Анваров Осиё чемпионатида олтин медални қўлга киритишди

Хитойнинг Чунсин шаҳрида енгил атлетиканинг сакраш дастурлари бўйича Осиё чемпионати ўтказилмоқда. Илк бор алоҳида тартибда ташкил этилган ушбу қитъа биринчилигининг дастлабки кунида Ўзбекистон терма жамоаси 2 та олтин медалга сазовор бўлди.

Баландликка сакраш секторида Барнохон Сайфуллаева 1.83 метр натижа билан энг юқори натижани қайд этиб, Осиё чемпионлигига эришди.

Куни кеча ўтказилган «Бриллиант лига»нинг илк босқичида шоҳсупага кўтарилган Анвар Анваров жорий мусобақада 8.06 метр билан зафар қучди.

Манба: olympic.uz