Шавкат Мирзиёев 8 май куни амалий ташриф билан Россия пойтахти Москва шаҳрига етиб борди, деб хабар бермоқда президент матбуот хизмати.Ўзбекистон етакчиси учун ажратилган қароргоҳда давлат раҳбарини РФ президенти администрацияси раҳбарининг ўринбосари Максим Орешкин ва Ҳукумат раисининг биринчи ўринбосари Денис Мантуров кутиб олди.
Президент фармони билан адлия катта маслаҳатчиси Отабек Акбарович Холбоев бош прокурорнинг ўринбосари — Ўзбекистон Ҳарбий прокурори лавозимига тайинланди, дея хабар бермоқда БП матбуот хизмати.Отабек Холбаев тайинловга қадар Ҳарбий прокурорининг биринчи ўринбосари лавозимида ишлаган.
Ўзбекистон Ҳиндистон ва Покистон ўртасидаги зиддиятнинг кучайиши билан боғлиқ воқеаларни хавотир билан кузатмоқда, деб хабар қилди чоршанба куни ТИВ.«Иккала томонни вазминлик кўрсатишга, тинчлик ва барқарорлик манфаатлари асосида ҳаракат қилишга, вазиятнинг янада ёмонлашишининг олдини олиш учун дипломатик мулоқотга устувор аҳамият беришга чақирамиз», — дейилади баёнотда.
Адхам Юсупович Худойқулов президент ҳузуридаги Таълим сифатини таъминлаш миллий агентлиги директори лавозимига тайинланди, дея хабар бермоқда давлат раҳбарининг матбуот хизмати.Адхам Худойқулов бунга қадар Таълим соҳасидаги лойиҳалар маркази лойиҳа офиси директори эди.
Вазирлар Маҳкамасининг 2 майдаги «Ўзбекистон Республикаси Вазирлар Маҳкамаси ҳузуридаги Энергия самарадорлиги миллий агентлиги фаолиятини ташкил этиш чора-тадбирлари тўғрисида»ги 292-сон қарори қабул қилинди. Бу ҳақда Norma хабар қилди.
Президент Шавкат Мирзиёев Германия федерал канцлери Фридрих Мерцни ушбу лавозимга сайлангани муносабати билан табриклади ва энг эзгу тилакларини билдирди. Бу ҳақда Ўзбекистон раҳбари матбуот хизмати хабар берди.
Осиё тараққиёт банки (ОТБ) Ўзбекистон ҳукумати билан биргаликда мамлакатга музликларнинг эриши, сув танқислиги ва тупроқ деградацияси оқибатларига мослашишга ёрдам бериш учун сув ресурслари ва қишлоқ хўжалиги соҳаларида лойиҳалар ишлаб чиқмоқда. Бу ҳақда ташкилотнинг Миландаги йиллик йиғилиши доирасида ОТБнинг Марказий ва Ғарбий Осиёда қишлоқ хўжалиги, озиқ-овқат, табиат ва қишлоқ ҳудудларини ривожлантириш бўйича директори Ясмин Сиддиқий маълум қилди, дея хабар берди «Газета.uz» мухбири.
Йўл қўйилган камчилик ва хатолар учун соғлиқни сақлаш вазирининг ўринбосарлари Даврон Султанов, Фаррух Шарипов лавозимидан озод этилди. Бу ҳақда президент 7 май куни ўтказган йиғилишда маълум қилинди.
Шавкат Мирзиёев Хитойнинг Гуйчжоу провинциясида юз берган фожиа муносабати билан ХХР раиси Си Цзиньпинга таъзия йўллади, деб хабар берди президент матбуот котиби.Давлат раҳбари ҳалок бўлганларнинг оила аъзолари ва яқинларига ҳамдардлик билдирди, жабрланганлар тез орада соғайиб кетишини тилади.
Президент қарори билан ички ишлар вазирининг ахборот технологиялари бўйича ўринбосари лавозими тугатилди, дея хабар бермоқда вазирлик матбуот хизмати.Бунинг ўрнига ички ишлар вазирининг ўринбосари — Рақамли технологиялар ва ҳуқуқий статистика департаменти раҳбари лавозими киритилди.
Олий Мажлис Қонунчилик палатасидаги Тадбиркорлар ва ишбилармонлар ҳаракати — Ўзбекистон Либерал-демократик партияси фракцияси ва «Миллий тикланиш» демократик партияси фракцияси ўртасида «Тараққиёт блоги»ни ташкил этиш тўғрисида битим имзоланди, деб хабар берди парламент қуйи палатаси матбуот хизмати.«Тараққиёт блоги» 93 нафар депутатдан иборат бўлиб, парламентдаги кўпчиликни ташкил этади.
Ўзбекистон президенти матбуот котиби Шерзод Асадов жамиятда журналистлар меҳнати ҳурмат қилинадиган, факт ва ҳалоллик қадрланадиган муҳитни сақлаш муҳимлигини таъкидлади. Бу ҳақда у 3 май — Жаҳон матбуоти эркинлиги куни муносабати билан чоп этилган мақолада маълум қилди.
Ўзбекистон ташқи ишлар вазири ўринбосари Бобур Усмонов Россиянинг мамлакатдаги элчиси Олег Мальгинов билан учрашувда Россияда ўзбекистонлик меҳнат муҳожирларининг ҳуқуқлари бузилиши кўпайганини қайд этиб, Ўзбекистон хавотирини тегишли ваколатли органларига етказиш зарурлигини қайд этди. Бу ҳақда ТИВ матбуот хизмати хабар қилди.
Ўзбекистонда 1 майдан фуқаролар йиғинлари (маҳаллалар) раисларининг сайлови бошланди.Биринчи кун, пайшанба куни 189 та туман ва шаҳардаги 193 та маҳаллада овоз бериш жараёни ўтказилди.
Президент Шавкат Мирзиёев пайшанба куни Хоразм вилоятига ташрифи чоғида «Арда Хива» сайёҳлик мажмуасининг очилиш маросимида иштирок этди. Бу ҳақда давлат раҳбари матбуот хизмати хабар берди.
5 май куни Самарқандда бўлиб ўтиши керак бўлган «Марказий Осиё — Кўрфаз араб давлатлари ҳамкорлик кенгаши» саммити номаълум муддатга қолдирилди. Бу ҳақда Ўзбекистон Ташқи ишлар вазирлиги «Газета.uz»га маълум қилди.
29 апрель куни Нью Йорк шаҳрида Ўзбекистон ва Кот д’Ивуар республикаси ўртасида дипломатик муносабатлар ўрнатиш тўғрисидаги қўшма коммюнике имзоланди, деб хабар қилмоқда «Дунё» ахборот агентлиги.Икки мамлакат ҳукуматлари номидан ҳужжатни Ўзбекистоннинг БМТдаги доимий вакили Улуғбек Лапасов ва Кот д’Ивуарнинг БМТдаги доимий вакили Тиемоко Морико имзолади.
Ўзбекистон 2026−2029 йиллар учун БМТ Статистика комиссиясининг аъзоси этиб сайланди. Бу ҳақдаги қарор 22 апрель куни Нью Йоркда бўлиб ўтган комиссия аъзолари сайлови чоғида қабул қилинди, дея хабар берди Миллий статистика қўмитаси матбуот хизмати.
Илҳомбой Тилавбаевич Худайбергенов Қорақалпоғистон республикасининг Тўрткўл тумани ҳокими этиб тайинланди, дея хабар бермоқда Жўқорғи Кенгес матбуот хизмати.Илҳомбой Худайбергенов меҳнат фаолияти давомида Ички ишлар органларида ишлаган, шунингдек, Тошкент вилояти ҳокимининг ўринбосари каби лавозимларда фаолият олиб борган.
Ўзбекистонда 8 йилдан сўнг прокуратура, ички ишлар ва солиқ органлари раҳбарларининг секторлар фаолияти билан шуғулланиши бекор қилинмоқда. Бу президентнинг 21 апрелдаги қарорида назарда тутилган.
Ўзбекистонда давлат хизматчиларининг даромадлари ва мол-мулкини декларация қилиш тўғрисидаги қонун лойиҳасини такомиллаштириш режалаштирилмоқда. Бу президентнинг 21 апрелдаги фармонида белгиланган бўлиб, унда 5 март куни Коррупцияга қарши курашиш миллий кенгашининг кенгайтирилган йиғилишида белгиланган норматив-ҳуқуқий ҳужжатларни қабул қилиш кўзда тутилган.
Ташқи ишлар вазири Бахтиёр Саидов Грециянинг Ўзбекистондаги элчиси Параскеви Тзевелекнинг ишонч ёрлиқлари нусхаларини қабул қилди. Бу ҳақда у ўзининг Telegram каналида маълум қилди.
Сенатнинг олтинчи ялпи мажлисида «Иссиқхона газларининг чиқарилишини чеклаш тўғрисида»ги қонун кўриб чиқилди.Мажлисда таъкидланишича, бугунги кунга қадар, иссиқхона газлари чиқарилишини тартибга солувчи қонун ва норматив база яратилмагани сабабли республикада иссиқхона газларининг чиқарилишини камайтиришда иқтисодий, технологик ва экологик йўналишлар бўйича халқаро ҳамкорликни йўлга қўйиш имкониятларини чекланган эди.
БМТ бош котибининг болаларга нисбатан зўравонлик масалалари бўйича махсус вакили Нажат Маала 6−11 апрель кунлари Тошкентда бўлди. У сафар давомида мамлакат раҳбари Шавкат Мирзиёев, шунингдек, Ички ишлар, Адлия, Мактабгача ва мактаб таълими вазирликлари, Ижтимоий ҳимоя миллий агентлиги ва фуқаролик жамияти вакиллари билан учрашди.
Ўзбекистон президенти Шавкат Мирзиёев 28 апрель куни Тошкент шаҳрида иш бошлаган «ИННОПРОМ. Марказий Осиё» бешинчи халқаро саноат кўргазмасига ташриф буюрди.
2024 йилнинг 28 апрель куни Олий Мажлис Сенати Кенгашининг навбатдаги мажлиси бўлиб ўтди. Бу ҳақда Сенат хабар қилди.
Ўзбекистон ҳукумати ва Қирғизистон Вазирлар маҳкамаси ўртасида «Чашма» булоғидан биргаликда фойдаланиш тўғрисидаги битим лойиҳасининг асосий шартлари тасдиқланди. Бу ҳақда ҳукумат матбуот хизмати хабар берди.
Пайшанба куни Тошкентда Марказий Осиё давлатлари махсус хизматлари раҳбарларининг биринчи учрашуви бўлиб ўтди. Бу ҳақда Ўзбекистон Давлат хавфсизлик хизмати матбуот хизмати хабар берди.
24 апрель куни АҚШнинг Ўзбекистондаги элчиси Жонатан Ҳеник матбуот вакиллари билан давра суҳбатида учрашиб, Вашингтон ва Тошкент муносабатларига оид саволларга жавоб берди. «Газета.uz» ушбу суҳбатнинг асосий иқтибосларини бироз қисқартирган ҳолда тақдим этади.
Икки томонлама музокаралар якунида Шавкат Мирзиёев туркман халқининг миллий етакчиси, Туркманистон Халқ маслаҳати раиси Гурбангули Бердимуҳамедовга Ўзбекистоннинг юксак давлат мукофоти — «Олий Даражали Дўстлик» орденини тантанали топширишди. Бу ҳақда Президенти матбуот хизмати хабар қилди.