Тошкентда “кўча болаларидан” яна бири ушланди

Қўлга олинган шахс безорилик жиноятини содир этганликда гумонланган.

Тошкент шаҳар ИИББ томонидан яна бир шахс жиноят содир этганликда гумонланиб ушланди. Бу ҳақда Тошкент шаҳар ИИББ хабар қилди.

1985 йилда туғилган Бузруков Бузрук Акмалович ЖКнинг 277-моддаси 2-қисми (бир гуруҳ шахслар томонидан безорилик) билан айбланиб қўлга олинди.

Жиноят иши доирасида гумон қилинувчига нисбатан қамоққа олиш тарзидаги эҳтиёт чораси қўлланган. Тергов давом этмоқда.