Самарқандда синглисининг синфдошини "самосуд" қилган эркак қамалди

Жабрланувчи бола қиз синфдошига севги изҳор қилгани учун унинг акаси томонидан дўппосланган эди.

Самарқандда мактаб ўқувчиси қиз синфдошининг акаси томонидан «самосуд» қилингани учун Пастдарғом тумани ИИБ ТБ томонидан ЖКнинг 105-моддаси 1-қисми (қасддан баданга ўртача оғир шикаст етказиш) билан жиноят иши қўзғатилганлиги тўғрисида хабар берган эдик.

Кеча, 29 июль куни жиноят ишлари бўйича Пастдарғом туман судида мазкур ҳолат юзасидан суд иши кўриб чиқилди. Судланувчи А.Қ. айбдор деб топилди ва унга 1 йил 6 ой муддатга озодликдан маҳрум қилиш жазоси тайинланди.