Сафина Садуллаева ва Анвар Анваров Швейцариядаги йирик турнирда иштирок этади

22-август куни Швейцариянинг Лозанна шаҳрида енгил атлетика оламининг йирик турнирларидан бири “Бриллиант лига”нинг 11-босқичи бўлиб ўтади.

7 йўналишда ташкил этиладиган мазкур мусобақанинг 2 та дастурида терма жамоамиз аъзолари ҳам қатнашади.

Ўзбекистон енгил атлетика федерациясининг маълум қилишича Париж — 2024 ёзги Олимпия ўйинларининг иштирокчилари Сафина Садуллаева баландликка сакраш, Анвар Анваров узунликка сакраш секторларида ғолиблик учун кураш олиб боради.