Бокс. Жошуа ва Дюбуа жангида томошабинлар сони бўйича рекорд ўрнатилиши мумкин

Саудия Арабистони Кўнгилочар тадбирлар Бошқармаси раиси Турки Ал-Шайхнинг айтишича, Энтони Жошуа ва Даниэль Дюбуа иштирок этадиган бокс мусобақаси учун «Уэмбли» стадионининг сиғимини ошириш таклифи берилган.

“Чипталарга бўлган талаб юқори бўлгани учун биз “Уэмбли” стадионида кутилган Жошуа ва Дюбуа жанги учун сиғимни оширишни сўрадик.

Умид қиламизки, бокс тарихида “Уэмбли” стадионига ташриф буюрувчилар сони бўйича рекорд ўрнатамиз”, — деб ёзди Турки ижтимоий тармоқдаги саҳифасида.

Ташкилотчиларнинг аризаси маъқулланса, бўлажак тадбир Британия бокс турнирларидаги томошабинлар рекордини янгилаши мумкин, бу ҳозирда 94 000 томошабинни ташкил этади.