Исроил Мадримов WBC рейтингида учинчи бўлди

Бутунжаҳон бокс иттифоқи (WBC) август ойи учун янгиланган рейтингни эълон қилди. Қувонарлиси, ушбу рейтингдан Отабек Холматов ҳамда Исроил Мадримов жой олди.

Супер ярим ўрта вазн тоифасида собиқ WBA чемпиони Исроил Мадримов янгиланган рейтингда учинчи поғонада қайд этилди. Боксчимиз WBC рейтингида сўнгги бор январь ойида 8-ўриндан жой олган эди. Шунингдек, Отабек Холматов 18-ўринни эгаллади.

Маълумот ўрнида: бир неча кун олдин Исроил Мадримов дунёга машҳур «The Ring» рейтингида иккинчи ўринга кўтарилган эди.