Паралимпиада. Кирилл Панков финал йўлланмасига эга бўлди!

Ҳозиргина эркаклар ўртасида С13 классида 100 метрга чалқанча усулда сузиш бўйича саралаш беллашувлари якунланди.

Эътиборлиси, унда стартга чиққан ҳамюртимиз Кирилл Панков 1 дақиқа 03.31 сония натижа билан финалга йўл олди.

Афсуску, ушбу йўналишда қатнашган икки вакилимиз – Ислам Асланов ҳамда Музаффар Турсунхўжаев 5- ва 6-ўринларни банд этди.

Кирилл Панков иштирокидаги финал баҳси бугун Тошкент вақти билан соат 22:44 да бошланади.