Ёрқинбек Одилов — Паралимпия ўйинлари чемпиони!

Ўзбекистон делегацияси ҳисобидаги олтин медаллар сони 5 тага етди. Ҳозиргина якунига етган пара енгил атлетика бўйича Ф57 классининг найза улоқтириш баҳсларида ҳамюртимиз Ёрқинбек Одилов олтин медалга сазовор бўлди. Токио — 2020 ёзги Паралимпия ўйинларини тўртинчи ўринда якунлаган чемпионимиз бугунги мусобақада 50.32 метр натижа кўрсатишга эришди.

Шу тариқа, делегациямиз ҳисобидаги медаллар ҳозрича 5 та олтин, 3 та кумуш ва 3 та бронзани ташкил этмоқда.