Паралимпиада. Ўзбекистон рейтингда нечанчи ўринда?

Париж шаҳри мезбонлигида ўтаётган Ёзги Паралимпия ўйинларининг навбатдаги кунги баҳслари ҳам ортда қолди.

Хабар берганимиздек, кечаги кун ҳам ўзбекистонлик паралимпиячилар учун омадли келди. Бугунги кун олдидан Ўзбекистон спорт делегацияси 5 та олтин, 3 та кумуш, 3 та бронза медали билан умумжамоа ҳисобида 7-ўринни эгаллаб турибди.

Бу билан биз Франциядан ўзиб кетдик. Кеча Франция 7-ўринни банд этганди. Паралимпия мезбонлари ҳисобида 3 та олтин, 6 та кумуш, 8 та бронза медали бор.

Хитой Республикаси 20 та олтин, 15 та кумуш, 7 та бронза, жами 42 та медаль билан рўйхатда пешқадамлик қиляпти. Чин юрти вакиллари кечаги баҳсларда 8 та олтин медаль қўлга киритишди. Ўн битта олтин, 8 та кумуш, 6 та бронза медалига эга Буюк Британия иккинчи ўринни эгаллаб турган бўлса, Бразилия делегацияси 8 та олтин, 3 та кумуш, 12 та бронза медали билан кучли учликка якун ясаган.