UFC чемпиони Белал Муҳаммад қозоқ тили устидан кулди

Яримўрта вазнда амалдаги UFC чемпиони Белал Муҳаммад потенциал рақиби Шавкат Раҳмонов билан «совуқ уруш»ни бошлаб юборди.

У қозоғистонлик рақибининг гапига қозоқ тилининг устидан кулган ҳолда жавоб қайтарди.

«Танланган хотира? Сенинг номингдан бу сўзларни ким ёзяпти? Қозоқ тилида ҳатто бу сўзларнинг таржимаси ҳам йўқ», — дея Раҳмоновнинг сўзларига жавоб қайтарган Белал.

Америкалик чемпион ўз сўзларининг исботи сифатида ушбу суратни ҳам ижтимоий тармоқдаги саҳифасига жойлаган.