Теннис. Циципас муҳим турнирда иштирок эта олмайди

Дунёнинг 11-ракеткаси, грециялик теннисчи Стефанос Циципас US Open 2024 турнирида олган жароҳати туфайли Греция терма жамоаси таркибида Сербияга қарши Дэвис кубогида иштирок этмаслигини маълум қилди.

“Азиз дўстлар ва Миллий теннис терма жамоаси мухлислари, қалбимнинг овози менга терма жамоани яна бир бор кучайтиришни маслаҳат берди.

Аммо танамнинг овози Сербия билан Дэвис кубоги учрашувида иштирок этишимни қатъиян ман этади. АҚШ очиқ чемпионатида қатнашаётганимда олган бел жароҳатим махсус реабилитация дастуридан ўтишимни талаб қилмоқда", – деди спортчи.