Украиналик теннисчи тарихда илк бор АҚШ очиқ чемпионати ғолибига айланди

Людмила Киченок ва Латвия вакили Елена Остапенко “катта дубулға” туркумига кирувчи US Open турнирининг жуфтлик баҳсларида ғолиб бўлди.

Финал учрашувида улар франциялик Кристина Младенович ва хитойлик Чжан Шуайни 6:4, 6:3 ҳисобида мағлуб этишди.

32 ёшли Киченок АҚШ очиқ чемпионатида ғолиб чиққан биринчи украиналик аёл бўлди. У аввалроқ 2023-йилда «Уимблдон»да аралаш жуфтлик чемпионлигини қўлга киритган эди.