Теннис. Синнер ўн минг рейтинг очкога эга бўлди

6 сентябрдан 7 сентябрга ўтар кечаси Нью-Йоркда дунёнинг биринчи ракеткаси италиялик Янник Синнер US Open 2024 яримфиналида ATP рейтингида 25-ўринни эгаллаб турган британиялик Жек Дрэйперни мағлуб этди 7:5, 7:6 (7:3), 6:2 - ва АҚШ очиқ теннис чемпионати финалига чиқди.

Ушбу турнир босқичига чиқиш Синнерга 10 000 ATP рейтинг очкосини берди. US Open 2024 финалида мағлуб бўлган тақдирда ҳам италиялик теннисчи турнир якунида камида 10 480 очко тўплайди.

Синнер тарихда 10 000 рейтинг очкосига эришган саккизинчи теннисчи бўлди, бунгача Новак Жокович, Рожер Федерер, Рафаэль Надаль, Энди Маррей, Пит Сампрас, Даниил Медведев ва Андре Агасси ушбу натижага эришган.