Махачевнинг кейинги жанги қачон бўлади?

Енгил вазн тоифасида UFC чемпиони Ислом Махачев билан ишлаётган америкалик мураббий Хавьер Мендес шогирдининг кейинги жанги қачон бўлишини айтди.

“Ислом тузалишини кутяпман. Менимча, унинг қўли ҳали тиклангани йўқ. У ҳозир машғулот ўтказмаяпти.

Шу боисдан бу жанг декабрда бўлмайди, деб ўйлайман. Январь ёки февраль ойларида ўтказилиш эҳтимоли кўпроқ", — деди Мендес Ushataika You Tube каналига.

Эслатиб ўтамиз, аввалроқ Хавер Мендез Махачев(26-1)нинг жароҳати жиддийлиги боис Арман Царукян(22-3)га қарши баҳс қолдирилишини хабар қилганди.