Бокс. Абдуғофуров проф рингдаги 18-жангини ўтказди
Оқшомининг марказий жангида WBC Silver камарининг собиқ эгаси, ҳамюртимиз Азизбек Абдуғофуров мезбон боксчи Антон Зайцевга қарши рингга кўтарилди.
Саккиз раундга мўлжалланган жанг тўлиқ давом этди ва унда афсуски, ҳамюртимиз очколар эвазига кўра имкониятни бой бериб қўйди. Жанг WBA Asia камари учун кечди.
Бу мағлубият Абдуғофуров учун фаолиятидаги тўртинчиси бўлди. Бунгача у сўнгги иккита жангида ҳам ютқазиб қўйганди. Унинг проф боксдаги рекорди бугунги кунда 14-4-0, 5 КО`ни ташкил этади.
Манба: Ўзбекистон профессионал бокс федерацияси матбуот хизмати