Волейболчиларимиз Ҳарбийлар ўртасида жаҳон чемпионатида совриндор бўлди

Эронда волейбол бўйича ҳарбийлар ўртасида 38-жаҳон чемпионати ўтказилди.

Жаҳон чемпионатида 6 та терма жамоа 2 та гуруҳга бўлинган ҳолда баҳс олиб борди. Ўзбекистон терма жамоаси “Б “гуруҳида Қозоғистон ва Озарбайжон билан куч синашди.

Ўтказилган ўйинлар сарҳисобига кўра, Ўзбекистон терма жамоаси 3-ўрин учун курашиш имкониятига эга бўлди. Ҳамюртларимиз бронза медали йўлида Озарбайжон вакиллари билан баҳслашишди ва 3:0 ҳисобида рақибларини доғда қолдиришди.