Маҳаллий авиакомпаниялар Ўзбекистондан Жиддага парвоз йўналишларини қайта ташкил қилмоқда
Авиакомпаниялардан бири фуқароларни Эрон ҳаво ҳудудининг ёпилиши сабабли парвозлар кечикиши ва саёҳат вақтлари кўпайиши ҳақида огоҳлантирди.
Маълум қилинишича, БАА, Баҳрайн ва Саудия Арабистони ҳудудлари бўйлаб муқобил йўналишлар ишлаб чиқилган.
Авиакомпания, шунингдек, уларга боғлиқ бўлмаган сабабларга кўра бир кун аввал 9S 405 Наманган – Жидда рейсини амалга оширишда кечикиш кузатилганини таъкидлади.
“Жидда, Термиз ва Самарқанд ўртасидаги кейинги 9S 406, 9S 407, 9S 408 рейсларида ҳам кечикишлар кутилмоқда. Парвоз йўналишлари узоқроқ бўлгани учун парвоз вақти ҳам ортади”, — дейилади хабарда.
Air Samarkand авиакомпанияси учишни кутаётган йўловчилар қулайлигини таъминлаш учун барча зарур чоралар кўрилишини кафолатлайди.