Бектемир Мелиқўзиев ноябрь ойида рингга кўтарилади

Ўзбекистонлик боксчи Бектемир Мелиқўзиевнинг кейинги жанги санаси маълум бўлди.

Лас-Вегасда 2 ноябрь куни катта бокс оқшоми ташкил этилади. Кечанинг асосий жанги Флойд Скофилд ва Рене Теллес Жирон ўртасида кечади.

Бектемир Мелиқўзиевнинг жанги андеркаддан жой олди. Ўзбекистонлик боксчи ўша куни Девид Стивенсга қарши рингга кўтарилади.

Эслатиб ўтамиз, Мелиқўзиев апрель ойида франциялик Пьер Юбер Дибомбега қарши жанг қилиб, очколар ҳисобига ғалаба қозонган эди.

Манба: daryo.uz