356 та электр қурилмасида электр токининг узилишига олиб келувчи меъёрдан ортиқ қизиб кетиш ҳолатлари аниқланди
Куз-қиш мавсумига тайёргарлик доирасида «Ўзенергоинспекция» томонидан энергетика объектларида электр қурилмаларининг техник эксплуатациясини назорат қилиш тадбирлари ўтказилди.
Натижада 112 та подстанциядаги 356 та электр қурилмаларида меъёрдан ортиқча қизиб кетиш ҳолатлари кузатилиб, авариявий узилишлар, ускуналарнинг ишдан чиқиши ва истеъмолчилар томонидан асосли эътирозлар келиб чиқиши аниқланган.
Ўрганишлар натижасида «Ўзенергоинспекция» томонидан тегишли ҳужжатлар расмийлаштирилди. Корхоналарга носозликларни бартараф этиш бўйича кўрсатмалар берилиб, ижроси назоратга олинди.