ММА. Никита Криловнинг навбатдаги рақиби ва жанг санаси эълон қилинди

Россиялик аралаш якка кураш устаси Никита Криловнинг кейинги жанги тафсилотлари маълум бўлди.

У 17 ноябрь куни Нью-Йоркда ташкил этиладиган UFC 309 турнири доирасида ҳамюрти Азамат Мурзаканов билан жанг қилади.

Крилов учта ғалабали серияни қайд этган ҳолда ярим оғир вазн рейтингида еттинчи ўринни эгаллаб турибди. У охирги жангини 2023 йил март ойида ўтказганди.

Мурзаканов эса 2022 йил март ойидаги дебютидан кейин кетма-кет тўртта ғалабага эришди. У айни дамда рейтингнинг 11-ўрнида жойлашган.

Манба: ufc.com