Олимпиаданинг 6 карра чемпиони саратон билан курашиб келмоқда

Британиялик велопойгачи Крис Хой бир йилдан бери простата бези саратони билан оғриётганини хабар қилди.

Олимпиада чемпиони 2023 йилнинг сентябрида елкасидаги оғриқ туфайли шифокорга мурожаат қилган.

Шифокорлар унинг елка, тос, сон қисмлари, умуртқа поғонаси ва қовурғасида ўсма аниқладилар. Хойнинг сўзларига кўра, шифокорлар унинг икки йилдан тўрт йилгача умри қолганини тахмин қилишмоқда.

У 6 карра Олимпиада чемпиони ҳисобланади.