Спорт курашлари. Алишер Ғаниев – жаҳон чемпиони!

Албаниянинг Тирана шаҳрида спорт курашлари бўйича U — 23 Жаҳон чемпионатининг иккинчи кунги беллашувлари ташкил этилмоқда.

Бугунги кун доирасида 60 кг вазн тоифасида юнон-рим кураши бўйича терма жамоамиз аъзоси Алишер Ғаниев ўзининг финал жангини ўтказди.

Ҳамюртимизга нейтрал мақомдаги Динислам Бамматов рақиблик қилди.

Қувонарлиси, жангда 8:4 ҳисобида Алишер Ғаниев ғалаба қозонди ва U — 23 ёш тоифасида Жаҳон чемпионига айланди.