Ўзбекистонда сайловлар ўтган деб топилди
Ўзбекистон Марказий сайлов комиссияси депутатлар сайлови ўтган деб эълон қилди. Соат 13:00 ҳолатига кўра сайловчиларнинг 47,62 фоизи иштирок этди.
Марказий сайлов комиссияси маълумотларига кўра, соат 13:00 га қадар Олий Мажлис Қонунчилик палатаси ва маҳаллий Кенгашлар депутатлари сайловида сайловчиларнинг 47,62 фоизи иштирок этди.
Сайловчилар рўйхатига киритилган 19 миллион 944 минг 859 нафар сайловчидан 9 миллион 498 минг 589 нафари ҳозиргача овоз беришда иштирок этди.
Сайлов кодексига кўра, сайлов, агар унда сайловчилар рўйхатига киритилган сайловчиларнинг ўттиз уч фоизидан ками иштирок этган бўлса, ўтмаган деб топилади.
