Италиялик чанғи устаси 19 ёшида вафот этди

Италиялик чанғичи Матилда Лорензи Алп тоғларидаги Вал Сеналес ёнбағирларида машғулот пайтида йиқилиб вафот этди. Бу ҳақда Халқаро чанғи ва сноуборд федерацияси (ФИС) сайтида хабар берилди.

ФИС 19 ёшли спортчининг вафоти муносабати билан ҳамдардлик билдирди.

Лорензи катта тезликда бошқарувни йўқотди, трассадан учиб кетди ва бошини қорга қаттиқ урди. Спортчи интубация қилинган ва вертолётда Болзанодаги энг яқин шифохонага олиб кетилган, бироқ шифокорлар унинг ҳаётини сақлаб қола олмаган.

Лорензи бу йил гигант слалом бўйича Италия чемпионлигини қўлга киритди, ўсмирлар ўртасидаги жаҳон чемпионатида пастга тушишда олтинчи ва супер-Гда саккизинчи бўлди.