Тошкентда повербанк ухлаб ётган одамнинг тўшагида портлаб, ёниб кетди

Видеодаги эркак UzNews.uz’га мурожаат қилиб, воқеа ҳақида маълумот берди.

28 октябрь куни эрталаб соат 9:00 атрофида бир киши каравот устидаги қувват банки ёниб кетганидан уйғонган. Яхшиямки, жабрланувчи ўз вақтида уйғониб, ёнғиннинг олдини олишга муваффақ бўлган.

Эркакнинг сўзларига кўра, ҳеч қандай ёрдам хизматларини чақиришга ҳожат бўлмаган. Ёнғин ўзи ўчириб олган ва жиддий тан жароҳати ёки хонада ёнғин ҳолатлар бўлмаган.

Шунингдек, ёниб кетган повербанк ишлаб чиқарувчиси эркак билан боғланган ва зарарни қоплаб беришга тайёрлигини билдирган. Ҳозирда товон тўлаш шартлари бўйича музокаралар олиб борилмоқда.