Энергетика вазирлиги иссиқхоналар учун табиий газ чекланиши ҳақидаги маълумотларга изоҳ берди

Энергетика вазирлиги иссиқхоналарга табиий газ етказиб берилишини маълум қилди.

Энергетика вазирлиги матбуот хизмати хабарига кўра, президентнинг «Иссиқхона хўжалигини рағбатлантириш бўйича қўшимча чора-тадбирлар тўғрисида»ги қарорига кўра, иссиқхона хўжаликлари табиий газдан тегишли тўловларни амалга ошириб, уни етказиб беришда ҳеч қандай чекловларсиз фойдаланиши мумкин.

«Теплица эгалари белгиланган тўловларни тўлаган тақдирда табиий газдан чекловларсиз фойдаланишлари мумкин,» — дейилади хабарда.

Таъкидланишича, октябрдан декабргача бўлган даврда иссиқхона хўжаликлари етказиб бериладиган табиий газ учун 50 фоиз миқдорида олдиндан тўловни амалга ошириши керак, қолган қисми ой охиригача тўланади. Кейинги ойлардан бошлаб, олдиндан тўлов ҳар ойда 100% миқдорида амалга оширилади.