Бош прокуратура 13 ёшли қизни жинсий алоқага ундаган эр-хотинлар иши бўйича Олий судга протест киритди

Андижонда аёл 13 яшар қўшни қизга эри билан жинсий алоқа қилиб беришга ундаганди. Суд уларга 5 сутка қамоқ ва жарима жазоси тайинлаганди.

Аввалроқ, Андижоннинг Асака туманида аёл 13 ёшли қизга эри билан жинсий алоқа қилиб, беришини сўраган ва эрга 5 сутка, аёлга эса жарима жазоси белгилангани ҳақида хабар бергандик.

Бош прокуратура хабарига кўра, Андижон вилоятидаги ҳолат билан боғлиқ маъмурий иш бўйича чиқарилган суд қарорлари қонунийлиги Бош прокуратура томонидан ўрганилган.

Ўрганиш натижасига кўра, Бош прокуратура томонидан Олий суди жиноят ишлари бўйича судлов ҳайъатига жиноят ишлари бўйича Асака туман судининг ва Андижон вилоят суди апелляция инстанциясининг қарорларига нисбатан тафтиш тартибида протест келтирилди.