Фарғонада ўқитувчи ўқувчини аёвсиз калтаклади
8-синф ўқувчиси бир нечта дарсларга кирмаганлиги ва назорат ишини бажармай кўчада юрганлиги учун устози унга танбеҳ бермоқчи бўлган.
Аниқланишича, ушбу ҳолат Фарғона вилояти Марғилон шаҳридаги 11-сонли мактабда содир бўлган.
«Синфимдаги ўқувчим мактабга келарди, лекин дарсга кирмай қочиб юрадиган одат чиқарди. Кейинчалик бошқа фан ўқитувчилари ҳам уни дарсга кирмаётганидан доимий шикоят билдиришди. Ҳаттоки назорат ишига киргизсам ҳам кирмасдан, кўчада юрибди экан. Бизни орамизда ҳеч қандай адоват йўқ»,- дейди ўқувчини калтаклаган ўқитувчи.
Мактаб директори эса бу ҳолатни педагогик этикетга тўғри келмаслигини айтиб, бу ҳолат муҳокама қилинганлиги, «ҳайфсан» даражасигача олиб борилганлигини маълум қилди.