Ўзбекистонда кўп қаватли уйларни эгаларининг нотариал розилигисиз бузиш тақиқланади
Энди бузиб ташлаш фақат барча мулкдорларнинг нотариал тасдиқланган розилигидан сўнг амалга оширилади ва аҳолига танлаш учун уч турдаги компенсация таклиф этилади.
- реновация лойиҳасини бошлашга барча мулкдорлар билан нотариал тасдиқланган келишув битими имзоланганидан сўнг рухсат берилади.
Мулкдорларга, уларнинг хоҳишига кўра, қуйидаги компенсация турларидан бири тақдим этилади:
- бузилаётган тураржой объектлари ўрнига уларнинг майдонидан кам бўлмаган реновация дастурига мувофиқ янги қуриладиган тураржойлардан яшаш учун тайёр ҳолдаги квартираларни мулк ҳуқуқи асосида бериш ҳамда қурилиш даврида кўчиш, шу жумладан, бошқа тураржой объектини вақтинчалик ижарага олиш билан боғлиқ харажатларни тўлиқ қоплаш;
- бузилаётган турар ва нотурар жой объектининг бозор қийматини тўлиқ қоплаб бериш;
- реновация лойиҳаси ташаббускори билан келишилган ҳолда бошқа турдаги компенсацияни тақдим этиш.