[ siyosat ] 2 Mart 2025
Ўзбекистоннинг Мальтадаги биринчи элчиси тайинланди
«Дунё» ахборот агентлигининг хабар беришича, Абат Файзуллаев Малта президенти Мириам Спитери Дебонога ишонч ёрлиқларини топширди.
Учрашувда у икки давлат ўртасидаги географик масофага қарамай, кўп қиррали ҳамкорликни ривожлантиришга хизмат қилувчи ўзаро боғлиқ манфаат ва мақсадлар мавжудлигини таъкидлади.
2024 йил сентябрь ойида икки давлат ташқи ишлар вазирлари Нью Йоркда БМТ бош ассамблеяси сессиясидаги иштироки доирасида илк бор учрашган эди. 2025 йилнинг январь ойида қароргоҳи Москвада бўлган Малтанинг Ўзбекистондаги элчиси тайинланди.
Абат Файзуллаев, шунингдек, Ўзбекистоннинг Римдаги халқаро ташкилотлардаги (ФАО, ЖССТ, UNODC) доимий вакили, 2024 йил декабридан эса Кипрдаги биринчи элчи ҳисобланади.