Шавкат Мирзиёев Ўзбекистоннинг атоқли аёлларига давлат мукофотларини топширди

Зулфия номидаги мукофот ҳамда бошқа орден ва медаллар билан тақдирланганлар тантанали равишда тақдирланди.

Кўксарой қароргоҳида Халқаро хотин-қизлар кунига бағишланган тантанали тадбир бўлиб ўтди, унда президент нутқ сўзлаб, мамлакатимиздаги барча аёлларни табриклади. Бу ҳақда давлат раҳбари матбуот хизмати хабар бермоқда.

Президентнинг 3 мартдаги фармонига кўра, 28 нафар қиз Зулфия номидаги Давлат мукофоти билан тақдирланди. 4 март куни меҳнат фаолиятида ва ижтимоий ҳаётда юксак натижаларга эришган бир гуруҳ хотин-қизлар орден ва медаллар билан мукофотланди. Тадбирда ана шу юксак мукофотлар тантанали равишда топширилди.

«Сизларга сиҳат-саломатлик, хонадонларингизга тинчлик-хотиржамлик, файз-у барака тилайман. Сизга ҳаётдаги энг катта бойлик — оилавий бахт ёр бўлсин. Доимо фарзандларингиз, яқинларингиз меҳри, эл-юртимиз ардоғида бўлинг!,» — деди давлат раҳбари.

Байрам муносабати билан «Ўзбекистон» саройида тантанали концерт дастури намойиш этилди.