[ jamiyat ] 17 Mart 2025
Тошкентда йўловчилардан йўлкира учун нақд пул талаб қилган ҳайдовчи ишдан бўшатилди
Ҳайдовчи автобус салонининг чироқларини ўчирган ҳолда йўловчилардан нақд пул олмоқчи бўлган.
Ҳолат юзасидан “Тошшаҳартрансхизмат” АЖ Матбуот хизмати хабар қилди.
Маълум қилинишича, масъул ходимлар томонидан автобус салонига ўрнатилган видеокузатув мосламалари текширилган. Натижада юқорида келтирилган ҳолат ҳақиқатдан ҳам жорий йилнинг 13 март куни содир бўлганлиги аниқланган.
Корхона ички тартиб интизомини ўта қўпол равишда бузганлиги учун ҳайдовчи Ж.Х. билан тузилган меҳнат шартномаси бекор қилинган.
“Шунингдек, мазкур ҳолат бўйича ҳайдовчи Ж.Х.нинг содир этган қоидабузарлигига ҳуқуқий баҳо олиш мақсадида, ҳужжатлар тўплами ҳуқуқ-тартибот органларига тақдим этилди”,- дейилади хабарда.