Қозоғистонлик эркак судда адвокат сифатида ChatGPT’дан фойдаланиб, ютиб чиқди

У ўзига келган йўл ҳаракати қоидабузарлиги бўйича жарима ҳақида судга мурожаат қилган ва сунъий интеллект ёрдамида ютиб чиққан.

Қозоғистонлик эркак йўл ҳаракати қоидаларини бузиш тўғрисидаги келган жарима бўйича судда ChatGPT ёрдамида ютиб чиқди. Бу ҳақда унинг ўзи Telegram саҳифаси орқали хабар қилди.

Ўтган йилнинг декабрь ойида қозоғистонлик Кенжебек Исмоилов йўл ҳаракати қоидаларини бузгани учун 5,8 минг тенге (тахминан 1 минг рубл) жаримага тортилган. Бунга сабаб у чорраҳада олдида турган юк машинасини айланиб ўтиш учун жамоат транспорти бўлагига чиқиб кетган. Бироқ, ҳайдовчи жарима ўзига ноқонуний равишда берилганига амин бўлиб, дастлаб ички ишлар бўлимига ариза билан мурожаат қилган, рад жавоби билан судга мурожаат қилган.

ChatGPT даъвогарга сўровни тузишда ёрдам берган. «Сапа» маълумотларига кўра, нейрон тармоқ ҳам эркакни реал вақт режимида судьянинг саволларига жавоб беришга ундаган ва бор-йўғи 10 дақиқа давом этган суд мажлисидан сўнг жарима бекор қилинган.

“Пул учун судга бормадим. Бу принципиаллик масаласи эди. Ходимлар кейинги сафар ўз ишига жиддий ёндашишларини истардим. Судда ходимлар ўзини қўпол ва нопрофессионал тутди. Бу фуқаролик бурчи эди”, — ёзади Кенжебек Исмоилов.

Энди у полиция департаментига мурожаат қилиб, маънавий зарар учун товон ундиришни режалаштирмоқда.